But waiting: 你有咩木的....?

雖然不能擁有自己的房間，但是中學的時候亦會在屬於自己的範圍內放滿一些毛公仔呀、扭蛋呀、卡通擺設之類的雜物，此外還會買一些日本部屋的雜誌，總之要整到間房好花哩碌先開心 ! 相反依家個人就反樸歸真，一切以簡約為主，有幾簡單得幾簡單，因為我覺得簡單先係最靚，所以早已將那些公仔同埋扭蛋收好 ..... 我想它們應該不會有出箱的一天。

今天放了半日假，能夠在閒日的下午時分在元朗閒逛感覺不錯，還有溫暖的陽光，不是熱到出汗那種係最好，於是行下行下就行左去夜冷舖，我覺得夜冷舖有點似外國的那種星期日擺晒出來的市場，只不過是環境不同，大家相同的是都要尋寶，我最愛，其實夜冷舖在香港都不是那麼特別，但是如果位於市區的夜冷舖我就勸大家唔好去喇，市區租金已經貴，所以那些夜冷貨都貴很多，仲會獅子開大口真係唔洗諗即走，所以行就行下舊區或者新界區的夜冷舖啦。

之前行過都無收獲，但今次不同啦，因為一行埋去已經被那些木材吸引住，頭先講到近期簡約有條路，其實我已經向木材之路進發，木的感覺好舒服 ! 而且我一直都想幾粒英文字母返屋企擺，這次就買到 BUT 這三隻字了 ! 原本只想買一隻 B 字，因為單字也好睇，但最後都買了三隻 :D 在 BUT 旁邊的是白色大衛。