但是我發覺我完全地錯了，初初搵鞋的時候將目標定得太高 (三吋)，其實對很多人黎講算矮，因為我見過有個客穿了五吋高根鞋，但除了鞋就 ......... 所以三吋對我黎講算很高了，點解咁講呢，因為已經買過了，穿過了，結果走不了，返到屋企仲俾樓下個先更串我「你著得好辛苦喎」囉。最後我更將搵鞋門檻降低至兩吋，我曾經想過一吋，但朋友說出得一吋個款唔會靚得去邊，又的確係，你有無見過 fashion week 出面俾人影 snap shot 的人穿一吋低跟鞋先 ? 以下是我擁有而稍為有丁點高度的鞋 :
這對購自 Zara，我喜歡這顏色，雖然唔算高，但也行都幾辛苦
購自 JPlus，唔好睇對鞋咁矮，但著得最辛苦就係佢 !
購自 H&M，沒有穿後感，只因為平而買，款式也沒特別，basic 到頂點
自問不是 carry 到高跟鞋的材料，也沒本事穿得一雙靚腿出來，於是我就轉向搵一些更腳踏實地的鞋款，就是 platform shoes or wedge，因為整個鞋底都踩在地上的感覺好穩陣，行都行得快過人，追巴士絕對不是一個問題 ! 追仔更可快人一步 ! 之前一直搵一直搵，終於有次在 H&M 見到類似的款，而且價錢更吸引，最重要的是我覺得幾型 (只是我覺得，可能你會覺得很醜)，買黎頂住檔先都好啦。因為知道自己亦不是行女人路線，所以我買鞋的優先次序為 : 鞋款 > 舒適 > 價錢之後都係價錢再之後都係價錢，我唔係話可以隨便拎一千幾百出黎買鞋的人，係要諗好耐，如果無錢的話呢個過程的確好折磨人 !
購自 H&M，這對令我高了又行得快的鞋，是在我找到更的之前的代替品
購自中環不用五十元，這對雖不是甚麼高跟鞋，也不是型鞋，但絕對是一對買來粗著的鞋
就好似大家在年頭決定一年內要做到什麼之類的，我也決定了要買一對呢生人一定要買一對的鞋，我已經留意了好耐，我決定要買一對 ANN DEMEULEMEESTER 的鞋 ! 下面兩對一直都是我最想要的。
both from ANN DEMEULEMEESTER
係又型又靚又腳踏實地的那種鞋呀 ! 不過這並不是這年頭內可做到的事 ...... 因為這對鞋值九千多，雖然現在沒能力買，但絕對可以成為我的目標 ! 其實除了 ANN DEM 之外，Rick Owens 也是次選大熱，款式平實得來有型格，雖然絕大部份都是黑色，但是穩重 ! 仲有幾個男裝涼鞋款我都覺得有幾對好適合型佬打扮的人穿，大家如果自認型佬的話可以去看看。
from Rick Owens
No comments:
Post a Comment