是完結也是開始

三年，人生有幾多之個三年 ? 有幾多個三年你可以識到班好朋友，學到咁多野 (老實講我唔著重於呢三年學過咩有關既知識，最重要我得到幾多 ) ? 呢三年真係開心，係過得愈黎愈開心，話不多說，在心中。

今日已經係三年來的最後一天，同佢地講起第一日返學成班去飲茶，就好似係尋日既事 ......

呢三年感受好深，至少比中學時期過得好很多，中學畢業對我黎講是一張白紙，呢三年就好似起左草稿，黎緊要去上色，後期工序等等 ...... 可以係一件好繁複既事情，黎緊下一步係點無人知，不過我心中就有好幾件事想係呢個暑假內完成佢，算對自己有個交代。


同時今日買左部舊相機，好興奮，好想即刻周圍去影相，乾脆整個環港遊，反正我連港九十八區都未踏遍。而我好興奮的其中一個原因好簡單，是因為這部相機是自動對焦而已，能夠隨心所欲不用左計加計咁去影相，應該幾暢快。這兩個星期，我都無相機跟身，但係沿途眼見到的景象，我都會望多兩眼去記低，當自己影了相。如果想記低一些景象，我曾經聽聞想有效的方法不是拍照，而要用心去記下眼前的景象，好讓景象永遠留在腦海中。