Google map street view

上星期係屋企樓下等巴士去天水圍教水的時候，我見到有部車上面有大大舊 camera 咁係我前面駛過，係好奇心驅使之下，再加上未訓醒既情況之下注視住呢架車，再望望個車身 ...... 大大隻字 Google，綜合以上觀察所得，呢架就係傳說中鬧得滿城風雨既 Google street view 車 !

竟然來了香港，其實黎左香港都唔出奇，入到黎元朗呢 D 鄉下地方我就幾驚訝。不過唔知係我唔識用 google map 定係架車根本只係行駛冇影相，我係搵唔到佢影既街景相，所以唔知佢有冇影到我，不過如果我下次再見到，我一定做鬼臉，而唔係勁呆咁望住架車係我前面駛走，咁樣先有野睇架嘛。