是誰幸運

之前睇開雜誌，都見過 Valentino 某些相有幾隻八哥伴隨左右，有一張我好記得，係幾個 model 係草地跟住旁邊有幾隻八哥追逐。表面上咁唔夾，八哥溝 fashion 點講都覺得怪，但內裡都有種又幾攪笑既感覺。咁當然兩睇啦，唔鐘意既會覺得做咩無啦啦要放幾隻狗係度，咁放得入鏡頭就一定有原因既，我個人都幾鐘意八哥， 而 Valentino 本人就養了五隻八哥，隻隻都咁肥美，係 Valentino : The Last Emperor 既 documentary 入面，佢果五隻八哥就有出鏡既機會，我覺得 ...... 佢地絕對不比佢簽名式既紅裙遜色 XD 呢套片雖然我未睇，但係睇左一小段有八哥既，隻隻八哥影相之前都要刷牙，刷到反晒白眼，仲要 dress up 埋先出得鏡，真係好豪華。

咁當然我隻狗今世跟著我屋企，算唔算幸運呢 ...... 我真係唔敢講。