觀察入微

今日一整天都不在狀態，太眼訓，聽野左耳入右耳出。到第二堂情況就好少少，亦因為同同學傾計傾到精神返，對話中提及平時會唔會觀察一個人既行為以及小動作，以推測佢係一個點樣既人，我自己諗深一層，我平時只會係地鐵或者小巴或者街上度觀察一個阿叔撩緊鼻屎再彈既動作、一個女人化緊妝、一個小朋友圍住條柱自轉、一個傻佬自言自語、一個人發緊白日夢 ...... 但係我睇既野只係好表面，唔會真係去深究呢個人究竟係一個咩野人。

同埋我比較常做的是當自己做野做到深夜時分，會諗下呢個世界同一個時間會有咩野人同我一樣做野做到咁夜。



首尾呼應一下先，原本早上無精神既我，FYP 完仲同組員發放緊負能量，但係去到夜晚教水就女王的教室上身，教左咁耐水 ...... 今日終於有學生話我做咩咁惡 ! 我個心入面其實幾開心，雖然我未去到淨係用個樣就嚇到學生唔敢出聲，但我會繼續努力發惡，我教水其實主張亦師亦友，咁樣我會教得開心，不過同樣地易比人恰。

無聊事 : 今日搭小巴去西鐵，四點幾，呢個鐘數通常都會坐爆車，我又會諗會唔會成架車既人都係同我一樣係西鐵站度落車，結果今日我估錯，落下又少個落下又少個，到最尾真係西鐵站落車既只有我一個，感覺好空虛。就算有個人同你坐埋同一架車，你以為呢個人可以陪到你落車，但其實佢唔會，只得你自己一個搭到尾站，你會唔會中途頂唔住放棄落車 ? 定係你堅持搭到尾站 ? ..... 睇完算啦，你唔好真係諗至得架。