純文字香港區半天遊

真是打從第一次同 Cathy 去上環中環那邊閒逛之後，我發覺我鐘意左呢個地方，自此之後都偶爾會特登出去當散心影下相，個人都會舒服點，就好似石屎森林入面既甘泉咁。今日又行左新地方，其實我係唔識路，但係兜兜下總會有驚喜，今日經過一個綠化公園仔但旁邊 D 舊式大廈又鬼死咁高，嘩勁鐘意，見到一排長椅勁想影相，但係慢過個鬼婆半拍俾佢一個屁股咁得落去，結果影唔到。

最尾行到去歌賦街，又係一條好街，好正既街 ( 如果睇到呢度你暗地裡話我大鄉里，鄉姑出城既話，咁你就大錯特錯了，等我得閒帶你去元朗睇牛牛 )，間間舖頭都好正，特別係有 HOMELESS，我又好鐘意行呢間舖頭，雖然我買唔起佢 D 咁貴既 designer furniture 但係齋睇都係一件好高興既事。其實為左去 Gallery de Vie 睇衫先去咋，如果會有機會搬出去而我又捨得離開新界區，中、上環其實係我首選。

接著再去香港仔出發，我從未去過香港仔那邊 ( 除了去海洋公園之外 )，今日第一次踏足此地 ...... 感覺比身處元朗更唔方便，因為果度無鐵路建設，令我覺得呢個地方好似俾香港政府孤立左咁。首先去了 Lane Crawford warehouse 入面真係唔吸引我去睇，一踏入去睇見一排排悶到咁既 display 其實都想轉身走，但行入點，就見到一排排既鞋任你試，C 仲聽到個鬼婆係咁講 " Oh My God! " 係因為個價錢平到要係咁叫上帝，真係訓著都俾你叫醒，如果我地有幾皮野係身都會係咁講呢句既。然後再殺去 Joyce warehouse 感覺比頭先好好多，起碼會令你主動去拎佢 D 野去睇，其實睇都唔緊要，最重要有得你任試，我好記得唔知邊個老師講過，試下又唔洗錢，怕咩，最後我當然係兩梳蕉去兩梳蕉返再加兩個小時車程先返到屋企。