我也有武器問你死未

早幾日睇返本舊雜誌，見有介紹呢部相機，一見到即刻想擁有佢。

Konica Wai Wai Camera

吸引我既係佢有 17mm 超廣角鏡頭 ! 我部 FX-30 都只係 28mm，可想而知差幾遠 ( 當時買佢好似因為佢以廣角黎做佢既賣點 )。呢部機有個中文名叫自拍王，雖然有點核突，但係因為佢個鏡頭闊到可以容納更多的人，仲有鏡面可以睇到自己個樣，十分方便，所以有此名稱。之不過佢係即影即棄相機，但係網上有流傳改裝方法，我影完會試下改裝，如果改裝成功就真係抵用到笑 !

其實我唔係幾鐘意自拍，因為我覺得自拍通常都係自戀既人先會做既事，同埋自拍都會同你玩「拉闊」，拉到你塊面闊一闊，變晒樣咁，不過買左之後好想即刻影 ! 唯一美中不足就係 ...... 我發覺部機入面筒菲林有限期係 2004 年，真係一筒勁過期菲林，唔知影完結果係點，不過咁先係影菲林獨有既神秘感，呢部機仲要停了產，唔諗咁多啦，即影。

今日上堂我地組既題目係「衝動」。

一時之間大家真係零頭緒，唔知從何入手好。但經過 brainstorm 之後漸入佳境，但影影下 lit 走埋黎再 tutor 之後，我發覺我既思路好容易俾佢打亂，我唔知其他同學係咪咁，但好肯定我係，如果佢話我影得靚我都會覺得靚，但如果佢話我影得核突，我都會覺得核突，一個咁容易打亂你思路既人，佢無疑係一個有實力既人。

送上幾張今天的 mood shot :

對我來說，今天就是跑。