病菌溫床

呢幾日，阿媽係咁係屋企放菌，無遮無掩咁放，好似唔洗錢咁放，攪到屋企其他三個活躍份子都中晒招半病，尋晚半睡半醒，又熱又凍，訓個半鐘醒一次，再眼光光等半個鐘先訓得著，真係辛苦晒，今朝一路行去搭車果時都勁掙扎好唔好行轉頭返屋企，好彩頂得住 !

黎緊就要應付一星期返四日每天都八點半既時間表，老實講，要我咁早同班打工仔迫車，真係好討厭。我希望第時做份工唔洗同班打工仔同一時間迫車，有彈性上班時間就好啦，最緊要係唔洗著 suit 先啦起碼，我好憎做白領，我覺得做白領真係會困死自己。

今日又係學校圖書館搜尋下有咩新書，俾我搵到 The House of Viktor & Rolf 本書，借到返屋企即睇，好正呀 :)