怪夢錄

曾經發過不少怪夢，大部份都是攪笑為多，通常我久不久就會發個長篇夢，如果想發個夢的話，就可以放一張你想夢見的事物的圖片再放係枕頭底，咁就可以夢見，會唔會咁簡單呀 ? 但好多時我都係毫無準備之下就發一些奇怪的夢，但絕大部份都和身邊的事有關。

就好似在不斷有游水和操水的時期，曾經發夢在方力申隔離條泳線一齊游水；考會考日日去自修室溫書時就夢見自己在圖書館自修室出面槍戰，仲俾人射左槍，起身果時仲按住發夢時中槍的位置，發覺有點痛；我最記得聽過一個朋友講過佢發夢行山俾舊石頭絆死，其實還有很多，只是不太記得了，但昨天剛做了一個超奇怪的夢，一定要說。

事發於昨晚聽歌聽到 Green Day 的 21 Guns 的時候，我便跟家姐講了一句「呢首歌出左個合唱 version 幾好聽架喎 !」......

覺唔覺得個主音呢個樣同 Agyness Deyn 有點相似 (哈)

之後呢晚就夢見自己去了朋友的婚禮，但飲宴進行中的時候司儀介紹特別嘉賓，就見到 Green Day 上台然後唱 21 Guns ! 我係個夢入面都呆了 (呆的其中一個原因是因為個主音望落好似無畫眼線)，佢地唱都唔緊要，但唱錯歌詞 -_- 跟住個主音就話「唔好意思，記錯歌詞一定會架啦 !」然後就跑落台同觀眾玩遊戲，佢同我講左一句 ......

" You can give someone anything " 然後我就答了 " A sentence "

跟住就醒了，這次是我第一個夢記得好完整之餘仲有埋對話，但係我今日諗左成日都諗唔到點解會答 sentence，最重要我係答佢英文，咁可能真係有特別意思。