上年年尾其實已經開了頭，諗住一日畫一張，你諗下一日一張，一年都已經有 365 張畫了東西的紙，不論張紙上畫到滿晒定係畫得幾筆，睇落去都一樣咁滿足 (本簿同自己都係) ! 最後，我只係畫了十張左右的幼稚園畫作，證明我係有做野，只不過係做得唔耐 ! 但最主要原因係我真係好鐘意畫畫那種 raw 的感覺，經過電腦 scanner 之後還有另一番味道。
我較為喜歡拎住支筆畫落張紙的感覺，但礙於本人有整齊強迫症，經常都畫唔完一幅畫，所以你地見到既好多都畫唔晒，一係就畫極都畫唔好，再唔係就你叫到無咀那些呢其實係我唔識畫，就索性劃走它 ! 同埋你可能會諗 sketch book 的感覺應該好 raw 先係，但係我有些就會畫到好死板，這都是我不喜歡自己畫野的其中一個原因，因為不像 sketch。
以前上堂不論是攝影堂定係一些會 involve 到少許設計的功課，聽得最多的一定是「References , Support , Pictures」之類的，這些曾經令我覺得好煩厭，因為當時我唔明點解做親野都要參考而唔係自己 build up 一個新的野出黎，覺得好似做咩都係參考呀、抄呀、搵呀，之後先做到份功課，不過這個道理現在當然清楚明白，知道任何新的東西都需要一樣野去支持，然後才有變化，到最後成為新的東西，這個參考的過程是必需的。 所以我畫的東西都是拿雜誌的圖片去畫，再用其他風格去演繹出來，最後成為屬於自己的東西，我其實比較鍾意單線條的風格，畫到核核突突的那種我更喜歡 ! 夠簡單，我份人其實都夠晒簡單，我想畫多些人，將複雜的人用線條去簡單化。
有天見到一位阿叔不理路人坐埋中環的路邊寫生，也好呢 !
1 comment:
very good!
Post a Comment