犬‧續

上回講開狗，就記得上星期去了一轉 MADHOUSE 的 "Woof" photography exhibition，主要都是因為看了雜誌後才知道這個展，次要是因為狗，再來這個展是為了流浪狗隻而辦的，當中有四位攝影師參與 : Dan Pak、Wang QingSong、Wing Shya、Young Kim，各自拍了一攝關注動物權益為題的相片，當中最吸引我的是 Dan Pak 的作品，一個女模特戴上特大的狗頭套去拍這攝相，我覺得好在我唔知道個模特兒個樣，反而令我覺得張相更好，可能如果佢無戴頭套，我就會將佢當作一般的相片看待。Wing Shya 的相片則是興 madhouse 的創辦人合作去完成拍攝，骨感美感盡現。

展覽現場有個「動物伴我同行會社」的錢箱，而是次展覽的收益扣除成本都會捐俾佢地，相集我就無錢買，但都捐左廿雞，雖然唔係多，養開狗既人都知廿雞買兩罐罐頭已經無左，但都要支持下，希望幫到更多狗隻，展覽期由 22/4 至 8/5 為止。

當你知道一隻狗如果放係漁農處唔知超過幾耐都仲無人領養，就要人道毀滅，我隻狗曾經差一步就要人道毀滅，好彩佢識係鬼門關跳返出來 ! 再之前我上網睇過人道毀滅的片段，睇到眼淚係咁流係停唔到果隻，咁殘忍的野邊個落到手 ? 人道毀滅係完全不人道 ! 我自此之後都唔再看有關狗的慘戲之類的，但係我唔睇亦都唔代表唔會發生，只要人類一日再唔要牠們，這些悲慘的事一直都會發生。