香港‧犬

之前在 facebook 看到「活在石屎森林下的生命」的攝影比賽，其後在元朗一間寵物店也見到這張海報，原本也想特地去影些狗相去參加，不過有時就係咁，你想去特登影個天就偏係唔俾你影到，你唔去搵佢又會出現係你面前，然而這次我是後者。有日係深水埗行行下，經過一些賣癈紙、舊電器的舖頭，以我經驗所得這些店舖一定會有狗看門口，剛巧身上有相機，就見到牠瑟縮在車尾，自然就跟這個石屎森林的主題聯想一起，便拍了這一張相寄去比賽。只是一張相的力量有時未必足夠，這個時候就需要相片的名或者 photo caption 來幫助，再帶出照片內的感覺，將文字化成視覺上的衝擊，讓觀眾如置身照片之中。

拍攝地點 : 深水埗

相機型號 : Panasonic FX30

狗隻要在舊區生存，最需要就是家，那怕是幾張舊報紙，車尾堆放癈物的位置

它們只要一個容身之所，才有生存下去的力量

以上就是這張照片的 photo caption，自問不是文字上的專家，所以都是靠當時影的感覺再寫出來，如果依家你再問我都唔會太記得當時的情形同埋寫唔返當時的感覺，不過覺得我屋企隻狗的確有好大的生存意志，因為我家就是垃圾站 ! 現在有個比賽展覽在 Emax 進行中，到 7 號就完結，會展出部份參賽作品。如果有朋友順路到那邊又順路看一看那個展覽之餘又咁好彩見到我張相的話就通知我啦 ! 因為對我黎講太遠了，哈哈 ! 不過我都唔知佢會唔會放出來，如果有就等我開心下啦 ! :)

註 : 香港犬，對我來說就是唐狗，即使我家有養狗，但係我都幾驚體型很大的唐狗，不過自從接觸了肥仔(我爸在公司倉看門口的狗) 之後，其實佢地係好可愛的 !