But waiting: 日落時間

「今天的日落時間是 18:40」

尋日突然之間好想搭叮叮，同埋好想去西環，於是兩樣夾埋，今天行程就是銅鑼灣 > 中環 > 西環 (原本想去埋上環，但我發覺我好似開始有少少厭這個地方，自己都不能相信，看來我要去更多新地方了)，心想如果可以睇埋日落就完美，點知呢幾日假期天公都不造美，整天都陰沈沈的，心情都好不起來，一直都想見到陽光。

不過有得搭叮叮補數也好，這種天氣坐上層很涼快，一直坐到總站堅尼地城才下車，西環這邊是我第一次到的地方，經過時見到的建築都比較舊，下車便往海旁方向走，經過幾間酒吧，就到了一個很短的海旁，因為近海旁所以風有點猛，但都有不少街坊情侶在吹水，原本期待日落，但我似乎與日落無咩緣份。

尋日同朋友傾開，假期咁多日以來都唔好天氣，就等到今日希望好天氣出去影相，然後就分享下今日影左咩野，真係好耐無影相啦，幾驚今日連相機都拎唔到出黎影呀，今日的感覺比較冷一點，幸好這個假期算有影相，如果唔係都唔知等到幾時。