我睇睇睇

我上左癮喇。

買雜誌買上癮，我係鍾意擁有一本野果刻既心情，雖然都會定期買一本雜誌黎儲，但最近不斷發掘新雜誌，尤其 Fashion Art Design 為主的雜誌，當然我睇英文雜誌既速度永遠比不上雜誌推出的速度，所以還沒看清的雜誌堆積如山，別人能一目十行、我只能以一目一行的速度來看。

別人說失眠的時候最好飲熱牛奶，我說最好的解決方法是看英文 ..... 即使我好用心看，但是都維持不到十五分鐘就眼訓，這是為什麼我到現在都看不完本 Twilight，不過也有例外的，可以說是我第一本由頭看到尾的英文書是 Five people you meet in heaven，真是破了自己記錄 ! 所以看雜誌也有好處就是就算你看不明你也可以看圖，有時我會因為內裡的某一兩篇 editorial 影得好靚而買。

最近入手的有 :

Dazed & Confused

這本是我長期買的雜誌，不過也要遇著好主題才會買，講的野都幾多元化，我睇開的一個 blogger 也是 Dazed digital 的 editor 來的，最重要的，我覺得期期個封面都幾靚，我買第一本的時候都係因為佢個封面。唔似得 VOGUE 咁悶 ( Italia VOGUE 除外 )，其實 i-D 個封面我都覺得好悶，雖然佢要以單眼為特色，但睇得多都唔想買。

Ten Magazine

第一次買，就是因為被裡面的相片吸引，掀幾下就決定買了，封面清淡我也喜歡。

RAZOR RED

其實打從上一期見到已經想買來看看，當你以為這本是外國雜誌，但其實是由香港人主理，主編是前 Amoeba 的編輯 Kary Kwok，整本雜誌完全不像出自香港的。若果當我練得一手好文筆，我定必寄去 be part of a contributor ! 其實有幾本雜誌我都想試，不論寫的或是攝影的，一生人總要試一次，哈哈。

每晚一個離奇故事

你會奇怪點解我講講下雜誌講呢本書，仲要簡體字，呢本我真係要推下，好在呢本書係會令人愈睇愈唔眼訓，因為入面講既故事有幾怪得幾怪，怪得黎又恐怖又離奇，睇到你追住睇，我覺得有好幾個故事係可以用黎拍怪談戲都仲得。