舒緩急速生活節奏

這兩天都分別睇了兩套戲，舒緩下急速既生活節奏先 ......


地球停轉日 (The Day The Earth Stood Still)


睇左個戲名之後，心中已經諗左構思左個戲情，地球唔轉，究竟人類會唔會死 ? 要過住永遠日頭、永遠夜晚既日子，咁即係仲會唔會有四季 ? 之不過睇完之後同我所想的有很大出入，呢度個停轉，根本唔係字面上的解釋，可能只係為了吸引人入場睇而誇大戲名。


其實這類科幻片的題材都係來來去去果幾味，外星人侵略地球呀、殞石撞地球呀、基因突變呀這些，但最恐怖的都是人類本身。《地》片都是講述人類多年來的「功德」如何速進地球步向滅亡，真係連外星人都睇唔過眼，要保護地球，就真係保護地球。佢地將地球上的生物都保存於一球體內，就係無人類份，更加以「羅亞方舟」去形容呢個拯救行動，好貼題，雖然我對聖經唔熟悉，但依稀記得係耶穌趕一大班動物上船，至於點解我就唔知了 ......


接近片尾時，由於外星人 (奇洛李維斯 飾) 啓動左個地球毀滅裝置，女主角就同佢談判，話人類會改，唔係淨係得佢睇到果面，仲有另一面好既，而外星人就因為女主角同佢個仔種種原因而飛身救地球 ...... 未免太膚淺了，單憑睇到呢個「另一面」就相信，但人類仲有好多好多面，點都唔會得「呢面」同埋「另一面」咁少。再唔改，停轉就會變真實。

禮儀師之奏鳴曲 (Departures)


本人對這類題材感興趣，所以我會睇六尺風雲 (Six Feet Under)，係書局都會拎起「殯儀」呢本書睇，當然係以又要驚又要睇既心態去睇。男主角大悟 (本木雅弘 飾) 因誤打誤撞而入了間公司專門做送別先人的儀式，但係做呢份工比人睇唔起，連自己都唔夠膽講自己係做禮儀師，但工作過後又得到死者家屬的感謝，默默地接受呢份工。可以睇得出佢地既專業，到最尾主角更要親自送別父親，感動位 ! 我覺得尾段澡堂老婆婆過身即段都好深刻，要親自送老伴去火化，真係要好大勇氣，又諗返起阿公送去火化的時候，家屬迴避，按製，差唔多感受 ......


火化其實都幾恐怖，雖然感覺唔到痛，之前睇書話火化燒一次係唔會即刻變成灰燼，要燒很多次的 ...... 但點解仲咁多人選擇 ? 因為中國人有句說話叫「塵歸塵，土歸土」，他們認為死後應歸回土地安息，現在連海葬、甚至太空葬都有啦，你會揀邊樣 ?


死可能唔恐怖，但係唔知自己會點死可能更加恐怖，死後地球會否因為你而停轉 ?