性格分裂

今日企池班學生勁偷雞，係咁拉線、蚊池邊游、行路、游到最尾未夠就 U-turn，以為我唔知，見唔到就算，其實佢地做過既野我以前乜都做齊，我懶，佢地一樣懶。

唔同既只係以前仲有一樣叫堅持，不過依家唔識架啦，游一陣又嗌生嗌死嗌阿媽，依家佢地肯出現已經要拍手慶祝。接手左呢組之後，就黎一年，俾佢地激左好多鑊，都深深體會到教育工作者既辛酸，你鬧佢，佢彈一句吹咩 ? 你又真係吹佢唔漲。老實講我係連一班細路都 head 唔住，我唔夠惡，唔夠兇狠，但我唔想鬧到佢地唔妥我，我要佢地認同我就得啦，亦師亦友，但唔好過我條低線，依家都唔錯，起碼我覺得自己惡呢方面有少少進步，即使其他教練仲係話我個人好淋，起碼我依家會放膽鬧人。有時真係好似性格分裂咁，係學校唔聲唔聲，同人講我教水都無人信，係泳池講句野都要勁大聲，勁粗豪 !

今晚睇了門徒，堅好睇，坐係梳化睇足咁耐。