測試面皮厚度

今日踏出我既第一步，訓練面皮

抽了幾小時去中環影 snap shot，對眼不斷找尋獵物，當中有被人拒絕的，都有超友善的鬼妹，很可惜影得幾張咁大把，返到屋企更發覺對唔中蕉，晴天霹靂。拍攝地點又唔係好夾到，影唔到我想要既野，真係好有挑戰。但都唔緊要，有試過總好過無，起碼我敢問人先，再遲下試多幾次可能我塊面皮會有一吋厚。

總之我下次見到有型人我就飛撲埋去，我唔會諗唔會再考慮架啦 ! 得閒出黎中環撞下我，你著得型既我送你一張 snap shot 又點話，總之唔好拒絕我就得。

呢排都有朋友叫我唔好放棄，我真係唔想放棄，其實唔單指呢個，泛指任何機會都唔好咁輕易放棄，堅持到最後 !