零靈感

最近都在趕功課，迫自己畫野同埋諗野，眼見限期愈來愈近，個腦硬係無新意，好似塞實晒咁。今日係屋企坐左成日，zero output，真係唔似我，咁心急都唔知急乜，成個人都好似放鬆唔到咁。


去游水之前影下沿途既景，算係俾對眼同個腦休息下。

我之前睇過報導問一些 Fashion designer or Artist 佢地怕唔怕有一日會無靈感，但十之八九都好肯定答唔怕，話靈感唔會話無就無，而佢係會不斷咁湧出黎，當你見到一樣新事物，就有新靈感。所以我地依話話所謂既無靈感，其實係不可能發生既事，人地幾廿歲都仲咁多靈感，我地咁後生話無靈感 ? 玩咩 ! 我諗冷靜一下先再思考比係咁迫自己不斷思考得出的結果好得多，今日埋首所謂既工作當中，曾出現頭暈症狀，所以依家係時間上床冷靜下。