習慣真係好難戎

我體會到戎煙、戎毒、戎賭錢既人係幾咁辛苦。

就算你內心幾唔想做呢樣野，呢樣野就會不知不覺咁出現你面前，又或者唔覺意咁就做左呢樣野，重點是完事之後先「死啦，今次又忍唔到」。我一直都想戎食零食，不過次次返屋企前，都口癮起，唔覺意咁買幾樣零食返屋企，有時仲要買完先黎後悔，真係犯賤。

心魔係最難去克服既一樣野。

最近個腦經常諗起吸毒廣告句野「每三個字就要落一次車、每三個字就要落一次車」，呢句野係用左重複既手法，目的係想令人覺得吸毒既後果係好嚴重。如果我以後想買零食之前我腦海入面都有一句「每食一包就會重多幾磅、每食一包就會重多幾磅」，好可能我真係會唔買。