2009 - 1 - 19 (Monday)
一直話去長洲講左咁耐，今次終於去得成。
長洲對我黎講係一個好特別既地方，曾經住過三年，但係差唔多零記憶，係屋企人記得比我多。從佢地口中得知以前阿爸因為行船，所以住長洲，住洋房即係兩三層果隻，仲有養大狗，可惜唔係番狗，係唐狗。屋企有鋪榻榻米 ( 吹日本風 ? ) 仲有露台，得閒仲會請親戚黎過夜，唔洗住渡假屋，橫聽掂聽個環境都好過依家屋企十倍。
最近一次去長洲算是小五果時，同今次行程差唔多，都有去張保仔洞。但係點解我咁耐都無再返去 ? 真係多得澳門船唔少，中一果時去澳門比賽晚船返香港遇正打風，自始怕了搭船，還有一律要轉會令到人頭暈的機動遊戲都唔敢玩。
今次搭大船入去，好平靜，好舒服，但係我都要食暈浪丸打底，始終個心都係驚，唔食唔安樂果隻。一入到去食「英皇茶餐廳」試凍檸橙，食物普通貨色，杯野又唔係好飲到要飛果隻，同埋散叫好貴。之後我地向東邊出發，行去北帝廟打個白鴿轉再行去東堤沙灘，之後時間尚早，再行去返去天后廟，今次有求籤啦，因為唔洗錢求，但係要自己解，唔通真係自助到咁既地步 ? 我求左支係上籤，不過就算靈唔靈，都係要靠自己。
跟住再行去長洲西邊搵寶藏，張保仔洞歷驗記，我地成班入到去嘈到拆天咁濟。最後要上演左個現實版 LOST 先去到爬到去大石上看日落，Rio 仲推介果度係情侶景點，大家要記住了。
求籤也敢影相，認真大膽，有何冒犯請勿見怪
這次是我第一次跟朋友看日落
No comments:
Post a Comment