買書買上癮

新年流流講書真係唔老黎，但係都要講下。

早前問同學借來的向達倫大冒險我仲咀嚼緊，呢類書雖然比較適合青少年，但我都睇得津津有味，我睇呢類書有個習慣，會一邊睇一邊幻想個場景出黎，睇書好似睇戲咁，呢個亦都係令我鐘意睇哈利波特系列既原因之一。


早幾日唔知痴左邊線根，一個人走入 Page One 睇書，咁就出事啦 ...... 買了下面兩本書，真係有一拎上手就決定要買佢果種感覺，但係又唔見我買衫有呢種感覺啵，通常都要左諗右諗，但係買書就唔同，無解。

Direct Marketing

呢本書入面有好多 Art book、Card、Leaflet 的設計樣版，值得買來參考。

Pattern Magic vol. 2 - 中道友子

我睇完本 sample 就即刻決定買，因為入面的設計很特別，如果時間上許可我又有恆心的話，我會嘗試跟住黎整衫。

當我搵緊仲有咩書好睇既時候，我發現有 Tim Walker Pictures 賣 ! 真係好大本好重，真係好想買，本野真係好靚，但係個價錢仲靚 ! $ 1330 ...... 迫住我要同佢講再見。

另外我都得閒到係圖書館借左幾本書過日辰 :