談災難片

早幾天跟同事討論過那些驚險剌激的經典災難片，我看過不少災難片，有些令人心跳加速的，某些細節都會留在腦海中，例如《鐵達尼號》、《海神號》、《終極天險》、《沖天大火災》、《明日之後》等，數量之多不能盡錄，當中有些舊片已經被明珠台翻播到爛，但有時又播的話，也會乖乖地坐在梳化上看，即使經過那麼多年，至今看著仍然覺得很緊張。

我自認是個 making of 迷，愛看電影，但最愛的其實是 behind the scenes ! 就如《鐵達尼號》播到閉眼也知道情節，有次終於等到電視播 behind the scenes 仲要係特輯，就睇下兩位主角浸在一個泳池仔內拍戲，又睇下佢兩個企船頭講「You Jump I Jump」個鏡頭點拍，或者睇下當架郵輪快斷開兩截的時候，上面的人點樣好似玩滑梯咁跌來跌去，其實幾好玩；就算睇《哈利波特系列》，係，我都會睇 behind the scenes，睇佢點將個飯堂用電腦特技整到咁大，睇佢點飛睇佢點打睇佢點死，可以睇到佢點拍，已經值回票價 ! 至於最近的《潛行兇間》我都有上網 search 黎睇，睇佢地整個一比一的酒店走廊跑黎跑去，吊威吔同埋電腦特技，無得彈 ! 而我曾經有段時期想做電影幕後工作，只因為想知道一部電影的拍攝過程，就是這麼簡單。

當大家睇完一套戲，又有時間睇埋 behind the scenes / making of 的話，才算真正認識這套電影，也可以畫上一個完美的句號。