What is Fashion?

網上購物，是我一直都不敢試的，不過身邊的人都說「淘呀淘呀」講到淘寶有幾好，早排拿了本淘寶天書，算係學識左點淘寶，於是小試牛刀買了幾樣。就算在淘寶，也有原創設計，特別是中國大陸，現在中國的時裝正在掘起，不過那群靠抄款賺錢的人還在而已。

Life without McQueen?

左想右想，第一次最好買件最穩陣的，於是其中一樣就是這個 slogan tote bag ! 結果是比想像中還好，一來 tote bag 實無死錯人；二來黑色環保袋我也少有，這個還要是容量特大；三來 slogan 是時裝界最好玩的東西，就如 T-shirt 上的圖案一樣，睇你點玩得妙。

以下是一些關於 slogan tee 的故事 :

就如出道時以 slogan tee 打出名堂的 House of Holland，以不同的配色加上他那抵死的 slogan，玩埋其他品牌的設計師、模特兒甚至名人，所以有人會話要係呢個時裝界入面生存，唔一定要識設計，就算唔識，你識得點吸引人地眼球就已經成功。其實 slogan 呢樣野幾時都咁興，因為是最直接帶出訊息的渠道，你諗咩，直接係件衫上面講就得，所以我都幾鐘意，最好就是那些抵死幽默的 slogan 就最好 ! 而且很多品牌每季都一定會有幾件 slogan 野，好似 H&M 有時都會推出 aids project 當中便有 slogan tee 的蹤影，Katharine Hamnett 的「No More Fashion Victims」 tee 也精警，但是較貴，也令我想起有次行街見到件「Don't Feed The Models」，有時就是靠這些 slogan 得知時裝界的真實一面。睇下連 Karl 爺都拎個「Karl Who?」袋，就知有幾利害，記得當初推出這手挽袋後還有同款 tee 好似連 I.T 也有賣，我那時有想過不如自己畫個「Who The Fuck is BUT?」或者「BUT Who?」袋玩下都好，人地鬼知你係邊個咩係咪先，就算玩大佢都唔緊要 !

天時地利人和之下 House of Holland 的 slogan tee 曾經很好賣，人人都想買

「No More Fashion Victims」 就是間接叫 Fashion Victims 去買，就中左計

老佛爺都肯同你做宣傳，效果真係好過落廣告

所以有時見到 Graniph 的 slogan tee 真是很想買，但是衰在佢出的 tee 是穿上後見不到鎖骨那種，我真的有衝動 send 個 email 俾日本叫佢地要嚴重考慮下個設計，知不知道一件 tee 的精髓就在那個領位大小之上，真的很激氣 !

其實我很想知道「What is Fashion?」這條問題究竟有沒有答案 ?

其實講到 slogan tee 最想買就是這件「What is Fashion?」黎著，對於時裝，呢個世界上無人可以話識晒，因為無可能知道在時裝界發生的所有事，所以我認為無一個人可以好熟時裝，咩叫好熟先 ? 知道所有的牌子叫熟嗎 ? 買名牌穿的人叫熟嗎 ? 經常去睇 fashion show 的叫熟嗎 ? 我連好多牌子名都唔識讀，所以我只是一個不熟悉時裝的人，只是我有興趣知道的，我便會去了解。講返件衫先，我依家先知原來係 ZARA 出的，真的很想買 !