鹿角是否對稱的

我的第一件鹿製成品



我份人其實比較心急，做甚麼事都想比其他人快些完成，有時更會向難度挑戰，咁當然，高估自己一定會，仲唔一定越級成功，見到屋企堆埋勁多半製成品都知自己的程度如何 ...... 但凡事總有例外，早前與友人一起買了最近全城熱捧的羊毛拮拮，正確來說應該是羊毛氈，做法就像拮小人那樣起勢咁拮拮拮，半夜訓唔著起身又拮下，每日拮少少終於算完成 ! 而且更得到好評，令我又想拮多幾舊，接下來拮咩好呢 ...... 唔好睇佢好似好簡單，拮的過程其實幾辛苦，個鼻好似吸塵機咁狂吸羊毛碎，仲要拮到手指流血，有血有汗呀 !

這次難度挑戰就是鹿頭，初初說要買羊毛材料的時候，腦海中只想到鹿，可以做的就只有鹿，不知為何近年對鹿是有點著迷，而且我認為鹿是令人無法抗拒的動物，就像我有次曾經在夜冷店見到一隻有人咁高的鹿擺設，心裡即時想如果我有一間屬於自己店又有位放的話，我會買 !

講起屋企那埋半製成品便想哭，曾經超熱心想車一條雪紡褲出來，又問了師傅意見，又睇書，差不多已經完成的時候，便死在車褲頭橡根這步驟手上，誰人教我車褲頭橡根呀 ? 我永遠都是車了橡根後變得緊到穿唔落，然後就把它放在一邊 ...... 但剛剛行街的時候又見到一條雪紡裙，又勾起那條癮，始終我還是想造一樣能夠穿上身的東西，滿足感很大的 !