Check it out YO!

即使這星期有颱風吹襲香港，整天都在下雨與天晴之間的天氣，但我整個人都充滿著夏日的心情 !

因為看了這套我話想睇好耐的戲《 Check it out Yo! 》，而這套戲當時不是在香港上映，所以自自然然我都忘記了有這一套戲的存在，但尋日我在網上看到《夏日的沖繩》這戲名就睇睇咩咩一回事，原來就是同一套戲 ! 我可以話俾你知套戲其實唔好睇，內容好夾硬黎，講述三位沖繩的高中生自從看了一隊 Rap 組合的演出之後就決定組成一隊 Rap 組合 098 ( 是以沖繩的區號而命名 )，而且男主角同時認識了一位朋友咁當然又係有好感之類的劇情，亦想藉著一場戶外演唱會舒發自己對她的感情，最好笑是那場演唱會由開始時橫風橫雨唱到有陽光，做戲咁做 ! 仲要得一首歌由開場唱到結尾 ...... 我想就算隻碟捽到爛又好、點 remix 又好都無咩可以一首歌唱足成場呱，結果佢地都係跟住唱跳住到完場，睇完套戲之後我只想跑去有陽光與海的地方，我想這是後遺症 ...... 症狀會維持幾天，至少這星期我都會 keep 住陽光。

098 - Don't be afraid

你會發覺 ...... 無錯，男主角又係市原隼人，可能你唔知佢邊個，但係我又幾鐘意睇佢做戲，好幾套戲我係因為佢而搵黎睇，我推介《 虹之女神 》俾大家，呢套真係幾好睇。