愚昧是我的妹妹

我最近經常在想「結果」而不問過程，就是我會想如果我開一間店那會是甚麼名字、如果我有個人品牌那會是甚麼名字，一定要型得黎唔俗，唔俗得黎又高檔，高檔得黎又要有我自己風格，但係我浪費時間諗埋諗埋，就已經無左好多時間，我的時間就是這樣浪費掉，到頭來沒有一樣可以實行。

但是我有想過如果有一天可以出書，就用這個做書名，總之一定要自己寫的字，雖然不知道那會是一本甚麼類型的書，可能是相集、可能是畫冊、可能是散文畫幾個公仔，總之一定要有自己寫的字，我曾經有一段時期不會上網打日記，就全用手寫日記，但維持不了多久，因為寫得太慢，慢到被迫放棄。

本人衰在無樣好，就係手字好，更加有人提議我自己出一種新字體 ( 傻架咩 ! 咁咪要我逐個中文字都要寫一次 ? ) ，而且我寫字的好處除了可以整齊之外，更可以因應時間緊迫去調較字體的整齊度，更可以寫出多種不同字形，包字體鑑證科點驗都驗唔出係邊個寫 ...... 咁算唔算長處呢 -_- 其實 ...... 我幾鍾意小克本書入面寫的字，可以好得意又可以好佬，真係估佢唔到。

「愚昧是我的妹妹」只是上冊，下冊就是朋友接我的「你的妹妹很愚昧」，希望能有一天面世 ! 現實中的我並沒有妹妹，因為我已經是我家中的妹妹，我只是想我做過的愚蠢事、有趣事、認真事，堆砌起來能成為另一個我，現實的寫照，其實，家姐細佬我都有，我想要個哥哥多一點。