夢「生命」

我決定每次都將發過的夢都記錄下來，奇怪又好、好笑又好、有意思的也好，我發的夢都很多元化，但並不是每晚都有夢，而且多數都是短篇故事，這個夢就是關於我家的狗 - 震華。

話說我係屋企抱住佢玩，搖下搖下突然甩手飛左佢出街，我就即刻撲過去隻窗度睇下佢跌左去邊度，見住佢直跌落後巷的地下，但見佢過一兩秒之後爬左起身仲開始行幾步，於是我同屋企人就即刻衝落街搵佢睇佢有無事，咁當然唔好話隻狗，就算一個人咁係咁高跌落地下，大多數只有一個後果 (切勿模仿)，我地原本都以為沒希望，但落到街見到佢咁努力爬起身，原來佢係想頂住直至見到我地最後一面先離開，跟住我就醒左落床睇下震華係邊度，發覺佢仲訓緊覺都放心了，原來只是夢。

我聽人講如果養貓，當佢知道自己就快離開屋企人的時候會自己走開一邊等待死亡的來臨，因為唔想俾屋企人見到會傷心，動物真係有靈性，唔知道狗又會唔會係咁 ? 我知道這一天終會來臨，所以我一天一天的累積心理準備。

註 : 震華還健在，食得訓得屙得走得，雖然係老左少少，但仍然好型仔。