Mind

剛過去的星期完全將自己自閉化，不與外界接觸 ! 曾經有位朋友同我講佢有段時間只埋首工作，完全不找朋友，那段時間如果有朋友找她，那些就是她真正的朋友，其餘的只是表面上的朋友，我覺得這也有道理，朋友就是你不找他，他也會主動找你，就算只是簡單一句問候說話 " Hi , Hey , Yo ! " 也好，也證明了這朋友是真正關心你的。不過呢，要我一個月，怎至幾個月與世隔絕，真的不可能，所以就算一星期試試也好，而事實就是我是需要朋友的，來找我啦 ! 可能你會諗點解我唔搵你，多數只有一個原因就是因為我懶，而唔係唔想搵朋友。這個星期陪伴我的是農夫的歌，令我在工作得沮喪之時得到一點振奮的心情，自我加油。

說起今天，在公司接到個電話是客人問公司地址，我便解釋給客人怎樣行，但佢的語氣有點差，我自認是不懂得點條好路人地行，但不至於得到這種晦氣說話，收線後愈諗愈激氣，我果一刻係好想黑面咁招呼呢個客，比著我以前應該會咁做，但係我最後選擇了以最友善的態度對住她 ! 因為我明白只要一個人對你衰，你對返佢衰，佢會對你更衰，但佢對你衰之後你仲對佢超好，佢一定會唔好意思，唔會對你惡，到時佢就會輸 ! 你對我講晦氣說話，好，你想睇邊條裙我慢慢介紹俾你，仲講埋你個身型應該著咩 style 點襯最好，俾足全套服務你包你稱心滿意笑住走 !

我的想法變了，我覺得自己對某些事睇開左，心情不好只有反效果。