HKDI 畢業展

今日約了幾個同學一起去無雷公咁遠的 HKDI 兜番轉，因為接下來的一星期都是 HKDI 的畢業展，之前俾左咁多學費就去晒呢度，唔入去睇下真係對唔住自己 ! 這座建築物由外至內都十分好，夠大夠靚，真係似足一間 design school。

其實好多八十後都應該會遇到這個問題，付出就好多，就係好野一定唔輪到我地用，一係就我地辛苦完之後班九十後或是再之後都唔洗再步我地後塵。好似小學的學能測驗，真係唔知做黎做乜，好記得果時做埋咁多練習，咁多答案俾人揀又唔知點揀，唔怪得我有幾位朋友都有選擇困難症，唔知係咪學能測驗的後遺症來的 ! 仲有絕大部份八十後比較後的那一群，就黎小學畢業果一兩年都要俾大量所謂的冷氣費，但係畢業之後先裝好冷氣，涼都未涼到就畢業了，根據朋友的一些經驗，還有畢業後先有一些新的教學大樓、新校舍等等，仲有依家連香港中學的特色之一「中學程度會考」都取消埋，九十後真係好幸福。

至於這次畢業展，雖然因為時間就不到去睇 fashion show，但這次我主要去看那些時裝展的作品呀，依然是 knit wear 居多，我其實不太喜歡 knit wear，但當中有某些設計都不錯，只是我和朋友都覺得很多人設計都集中在膊頭，對我倆來講這是死穴，我們應該自己設計一些令膊頭看上去感覺較窄的衣服，或者能帶領一個窄膊的潮流。

B for But

成間 HKDI 係呢個位最靚