生命何價

一個生命應否標上價錢 ?

剛看到雜誌提到寵物領養組織，講到香港現在愈來愈多人領養動物，而不是用金錢交換動物回來，我十分認同當中有一句「要愛惜動物生命，千萬不要用錢去買寵物，應該領養那些需要新主人的動物」，只要有心人去領養，絕不會有遺棄動物這件事發生，之前看到電視有個叫人別遺棄動物的廣告，睇到我好心痛 ! 尤其係最近有些新聞講到寵物店那些不法的營運，又打針令到狗仔不會吠，買了後又立即生病甚至死亡，這些故事聽得多了，好像去寵物店買動物已經不安全似的，不要再助長沒良心的人。

有時候在街上見到些流浪狗周圍行，就好怕佢地過馬路俾車撞，又唔知佢地搵唔搵到野食，這些都是自養狗後爆發出來的同情心。但有這同情心的同時，我完全唔睇有關狗的感人電影，最誇就係連睇《 I am Legend 》我都睇到一半唔敢睇落去因為我唔想知道隻狗最後既下場會係點 ...... -.-

可能令個人都有自己一隻 dream pet，我自己也有，屋企唔大就想養八哥、如果屋企再大一點就想養柴犬、如果再大一點有埋花園其實連唐狗也想養，這三種狗都列入我最想養狗隻排名榜頭三位，而且自從家裡養了震華後，的確帶了不少歡笑給大家 ! 所以如果你想養動物，可以考慮一下領養，做個負責任的主人，我自問現在仍未能獨立到自己養一隻動物，仍要依靠家人幫忙照顧才行，而且我覺得養動物並不是一個人的事 !

動物領養組織 LAP (Lifelong Animal Protection Charity) http://www.lap.corg.hk/