夏日

今日偶然看到寶礦力水特的最新一輯「Misses Bus」廣告，立即眼前一亮 ! 今次廣告有男女主角，仲有幾個朋友，仲玩埋 puppy love，而且這次的主題是「No More Dry」，咁我係咪應該要飲返幾支等自己無咁 Dry 呢 -_- ? 不過我自從聽人講就咁飲寶礦力會好肥之後我就無飲了，以前做運動就成日飲，睇黎我依家都真係要做好多運動先可以獎勵自己飲一支啦 ! 雖然我怕熱，但係我就好鍾意藍天白雲，呢個廣告個天靚到好似假咁 -_-

這個品牌的廣告是我最喜歡的廣告之一，只因太夏日，睇完即刻想出去跑又好跳水又好點都好，只想出一身汗後再喝一口寶礦力，再好似入面的主角咁「哈 ～」一聲就最爽，做完運動飲的水是永遠最清涼最好味 (除非你飲熱水)，重點是夠青春，而且每首廣告歌我都覺得好好聽 !

綾瀨遙追車

綾瀨遙跳海，勁好睇呀呢個，佢呢個頭好靚

又係綾瀨遙跳海玩晒，佢拍果幾個 CM 都好好睇

鈴木杏

玉木宏、寿里、加藤夏希

在日本拍的廣告係零舍唔同，其實我仲諗緊點解香港寶礦力唔自己拍廣告要次次都用返日本果個，於是我在網上搜尋有關資料，有網民話這個最新的廣告好有可能是香港方面找日本初出道的90 後明星去拍，拍落就似日本廣告了，其實可以試下係香港拍呀 ! 我指如果拍這些飲跳落海呀 (香港邊度有海跳，海灘又唔夠靚，唔通跳碼頭)、追車呀 (唔知可唔可以係旺角好似綾瀨遙咁樣追車)又或者就咁係條大路度跑 (香港有幾多條又寬又無咩人既大馬路，靚少少的巷仔都有既，再唔係可能用拍戲俾人追殺必跑那些巷仔囉) 個效果應該唔錯。

這個是日文方面的廣告，我就不知道是不是最近的了，主角就換了北野武，看看那感覺差很遠 !! 咁又係既，唔通叫北野武追車或者踩單車咩，叫佢游水你都唔想睇啦，佢就咁企係度講野已經好好了。

北野武