快樂源頭

這星期工作感到超疲累，全身都散了，於是我在網上尋快樂，別誤會 ! 現在看那些 fashion blog 是不能令我高興及精神起來，有時還會感到眼花撩亂，眼更痛，於是我會看其他網頁讓自己開心一點，放輕鬆 !

最近有在看的是灘叔的 blog : http://www.unklebeach.blogspot.com/

晚上他有份主持的節目也是從上年剛工作的時候才開始聽，因為我之前是完全不會聽收音機的，現在間中也會開來聽，而他寫的 blog 內容很豐富，很多鼓勵、關於人生的文章，完全係講得好正確，邊看邊點頭那種，我其實最鐘意佢夠性格，經常自己一個周圍去，就算自己一個都唔會悶，仲會同自己影相記錄，好真 !

另一個我看了會笑的日本人柴犬 blog : http://gakulomo.jugem.jp/

其實我很早前也介紹過，不懂日文的我也要看，因為我俾入面隻狗吸引左，因為初初睇呢個 blog 我先識呢種狗叫柴犬，就在早幾日睇完佢的 blog 之後發覺 ...... 原來我由個 blogger 未有小朋友，到佢有個仔仔，到個仔仔依家三歲，睇住隻柴犬陪住佢，睇住個小朋友大，都應該四年了 ! 我記得好耐之前膽粗粗走去留言，早幾日又手痕去留言，感慨呀嘛睇左咁耐，完全感受佢地既快樂 !

這張相由 blogger 命名為「新型新幹線 gomo ?!」

之前去南生圍第一次見到柴犬我也 high 翻天

我真係幾長情 ! 唔知又有無人由我一開始打 xanga 開始追隨到 yahoo blog 再到依家 blogspot 呢 ? 亦都試過有人同我講話我打 D 野幾好睇，老實講我唔知有咩好睇 :p 不過如果有人睇，我都好感謝你，因為日子唔止得我一個人過，而係會有其他人與我分享，雖然我唔知會有咩人又或者根本無人會留意我的生活，生活好過定係唔好過，我都會繼續走。