因為你所以我疲勞全消

已經連續上班十三天，今天亦是最忙的一天，忙得連午飯也吃不到就放工了，拖著疲累的身體去搭巴士，本想一覺睡到落車，但因為突發的事情令我睡不了。


第一是因為坐了巴士上層車頭的位置，特別是以新款的巴士來說坐車頭有如坐過山車一樣，所以只有邊聽歌邊看風景。只有坐巴士才能感受到像開著走馬燈播放的照片一樣，明唔明 ? 我自己都唔太明，我鐘意巴士快有快睇 (風景) 慢有慢睇 (風景) 亦都可以唔睇 (就訓覺)，不過我都鐘意叮叮果種慢，好適合諗野。


第二是因為剛巧坐在我旁邊的媽媽抱著一個小妹妹，係我見過覺得最得意的小妹妹 ! 我跟他媽媽的對話就由她問我有無膠袋開始，然後整程車我都跟他媽媽傾計，又跟小妹妹玩，令我疲勞全消，見到佢笑，有幾累我都唔記得，笑係可以感染人 !

佢未滿兩歲，同我一樣都係飯碗頭，個人認為佢可愛過廣告妹妹，佢識做好多表情 ! 其實我有諗過俾我電話佢媽媽話我可以教佢游水，至多收好平或者唔收錢都仲得 ! 我好耐無接觸過小朋友啦 ...... 我想派下我 D 愛心同笑話呀 .....

我還是第一次同人傾計傾成程車，到落車時我係笑住落車的，太開心。