解夢

我對高樓底一直是又愛又恨，我愛高樓底的空間感，但係又怕佢那種過多的空間感，會令人有種害怕的感覺，有好幾次我發夢都夢見自己係樓底超高的百貨公司同埋停車場俾人追殺，同埋係一座大廈的大堂裡行樓梯上去，樓底也是超高，而且樓梯係旋轉式之餘仲要無扶手，我諗都要搵日去解下夢先得。因為我一直都想解一個我幼稚園經常發的夢，當我睡在我媽的床上便會發這夢 : 開了很多很多門，經過很多間房之後見到一個小丑在開派對，之後佢開左佢身後面度門請我出去一個商場 (其實即係變大左的元朗廣場，果時細細個淨係認得呢個廣場 ) 跟住就見到一埋好奇怪的人係空氣度走來走去，所以我一直都唔太喜歡小丑，我覺得有點恐怖。

我想應該是時間畫低自己的夢境，應該都會幾豐富，特別係小丑的那個夢，因為我發覺人愈大好似有意思的夢境愈少，以前的夢境仲幾好笑架，現在沒有這回事了，好像好耐都無試過發過一個有意思的夢了，最近都是一覺便睡天光，可能白天堆積在腦中的東西太多，到了晚上個腦開通宵都過濾不完裡頭的文件。

講起高樓底，公司附近有一間 workshop 我經過成日見到，雖然佢係位於樓上舖位置，但係有時我行路的時候除了長時間望地之外，有時都會擔下天，就有次俾我望望下望到呢間野。大大隻字 Artjamming 近住天花板的位置，只要抬頭便可望到，除了字，還有那個高樓底設計，幾座吊扇，同埋隱約見到幾塊畫板，咁就已經吸引左我視線，有幾次我仲見到有人係度畫畫，初時我以為係畫室來，但經網上查證之後發覺原來是一間公司叫作 「Artjamming」。這是一間以 paintertainment 為宗旨的公司，裡面有無限供應的 acrylic 顏料，就像自助餐一樣，不過這是畫畫的自助餐，另有一番風味 ! 反正我都未試過用 acrylic 畫畫，聽講好麻煩，但我其實想每樣顏料都試下架 ...... 我到依家都係用過鉛筆同曼靈教用炭筆畫畫咋，不過可以專心去做一件事感覺會很好 !