最近報了個紙樣 course 亦上了接近一半的堂，想學紙樣的原因是因為好想學、好想學、同埋好想學，返了 IVE 呢三年一直期待會突然之間有個 sem 會教紙樣同埋車衫，結果當然係無啦，亦想自己 design 個 collection 出黎，咁乜基本野都唔識，緊係得個講字啦，都唔好問我點解唔讀 fashion design 啦，讀左既話我依家就唔會係呢度咁講野，所以依家我會搵其他方法去完成呢件事。直至現在到了最後出來工作才報讀，不過我認為不會太遲。
不過紙樣真係好難，又要計數，我一計數就頭暈。我睇 Project Runway 果時見到佢地個個都一黎就立體剪裁，又快又乾淨俐落，睇落好似好易，其實人地係鏡頭後付了多少你係唔會知道，所以都要學左基本野先可以上去。
好啦，講返上堂，上左幾堂識左個新同學，正路我都問佢點解 take course 之類的野，其他坐得係個課室入面，絕大部份都出黎做野，呢位新同學都唔例外，做左幾年野又讀個 diploma 跟住仲想讀上去，原因只係為興趣而一試自己內心深處真正想做的事，是不安於現狀的人會有此想法，會利用其他東西來滿足自己。雖然呢位同學係做緊 admin 野，但係內心係想做 fashion designer，所以我都想知道你做緊既野究竟係咪你真正想做的野，有時真係呃唔到自己就認左佢，試下啦。
往事只能回味 ?
中三的暑假，已經忘了原因，我開始學掃描，畫花畫生果，我係鐘意畫野既，即使我畫得唔靚。
中四選科，我成績好差，是倒數頭幾名，我知道當時好多人揀 Art 同埋中國文學，我都照揀 Art 試下，但最後我俾人扔左去讀電腦，我唔甘心，同 Art miss 講我有冇辦法可以讀到 Art，佢話有「自修」但係佢勸我唔好咁做，好晒時間 ..... 我竟然聽左佢講我放棄了，會考雖然失敗但係真係想試，再次選擇自修，自己整 portfolio 係咁畫，練靜物寫生，唔同既係已經唔係中學入面，但係考 CE Art 這次是我考咁多次試以來最開心的一次，好興奮，雖然只係得到一個普通的成績但係我始終有試過，其實我唔係得個講字既人黎。
我懷疑自己係咪真心鐘意 fashion 呢年事，但我知道這一定是我的興趣，所以我依家有個想法 ......
No comments:
Post a Comment