大人之科學

竟然俾我買到呢期大人之科學，是一部 35mm 兩孔相機 ( 不過我阿爸話不如你買部海鷗好過啦 ) 係全黑色好靚既，最 raw 的黑色是最好的。尋日買完即刻砌，砌到好夜先訓，我終於明白人地點解會不眠不休咁去砌模型同埋砌圖啦，因為一路砌一路就期待個完成品 !

佢隨機附送的書 ( 其實我都攪不清到底是隨書送機定隨機送書了 ) 內有川內倫子用二孔相機拍的相，令我想起我的同學呀 ! 真係唔知幾時先會一齊再影相。不要少看這部相機，雖然細小又輕，但係重點係有得調教焦距，雖然你唔會睇到你中唔中焦，影相就係憑感覺，你覺得對就按快門，對於菲林 ...... 好在你唔知你會影了甚麼出來 ! 快拿起你的相機啦，我影相那團火久唔久就會著，不過好快熄，等佢熄之前好去影相啦 ! 呢卷菲林我會試影完睇下係唔係真係得先。