讓裡面的露出來

這是穿了香蕉衫的毛團嗎 ?

之前係屋企執時執起一大堆唔要的衫，而大部份都是絨布質地，於是手痕就車件衫俾震華，當然個尺寸唔係咁準啦，是以之前起了的紙樣再改良，這次整完還要再改，因為穿了上去露晒毛 ...... 係露晒心口的狗毛出黎 :D

這是原本的衣服

其實整件衫仔真係幾簡單，於是阿爸叫我加 D 野上去點綴一下，於是就加了春夏時裝其中一個元素 - 內衣 ! 以前女性穿內衣只會收收埋埋，依家連 Fashion show 都將原本是穿在裡面的 clorset、bra 都外穿，變了重點而不只是配襯，真係估唔到遲 D 仲會有咩好 show，下次可能 show 條毛都唔定。

Left - Christian Dior Right - Marc Jacobs in Spring/Summer 2010 from style.com

我一直都唔明每季 fashion show 完結或進行中的時候，各大傳媒就會搶住話呢季有邊幾個 trend，但係又真係會有某幾個分別由唔同既 designer 既設計跑出而成為潮流，例如今季大家會夾埋一齊出 Nude color，高腰平腳短褲，內衣外穿之類的，明明所有 designer 都各自修行，點解總會有某些設計撞埋成為一個潮流 ? 係咪咁巧合 ? 唔通佢地設計之前都會睇下果本 trend forcast 天書 ?

講返件衫仔，其實好求其是但做，香蕉黃就撞到正，個 bra 就似泳衣，仲要唔合身。希望下次會做得更仔細吧，我還有一件寶藍色的衫可以剪。