目標明確

今日執好份 catalogue 上堂 tutorial，因為一直以來都好清楚自己要影 D 咩、要營造一個咩野 mood 出黎，所以這次還算順利，反而不用執相，少左樣顧慮，總之你睇到輯相你會覺得好自然，有種好似隨街就叫停你黎影相既感覺。阿烈仲話我呢個 topic 係可以繼續 develop 落去，可以係一份大型的 individual project，聽落很有趣，呢個暑假我既目標係咩都試，試下自己做個 project，吸引到你注意，我就是成功左一半 ! 講住先。

我愈黎愈鐘意 Art Director 同埋 Artist 呢兩個 term，呢度呢個 Artist 你唔好以為我講香港所謂的藝人，一踏入娛樂圈就叫自己做 Artist，呢個 term 並唔係俾你地咁用法 ! 我認為 Artist 所睇既野所諗既野係同一般大眾不一樣，同一件事，佢係會由第二度角度去睇，得出黎的結果就比別人不同，我做的野就係想跟別人不同，不隨波逐流，係我認識既人當中只有幾個人我認為佢係一個 Artist。至於 Art Director 所涉範圍更廣，少至一輯相、mv、fashion show、廣告都需要佢，責任重大，諗既野要爆，我幾時先可以咁爆 ? 以下係爆既一個例子 :

我真係超鍾意 Homeless 呢間舖頭，早幾日經過又一驚喜 ! 就咁望上去好似好多蟲仔堆埋一舊點知原來係喉管黎 ! 有創意之餘個感覺仲爆核突，我鐘意。跟住我望左好耐，包括望下佢點整出黎先有呢個效果，望望下發覺佢個招牌係有隻假烏蠅。我其實想係呢間舖頭做下，見到入面既貨你會有好多靈感。