第一次成功

尋晚突然之間好想拎起部相機影相。

今日就有得影了，同攝影團去了前中央書院遺址想創日睇展覽，環境唔錯，感覺好癈墟，好古舊。城市規劃好重要，但係保留歷史文物更重要，政府請做野，唔好一味拆拆拆。

到最後影晒筒菲林，到了歷史性一刻，就係要拆開部機拎菲林同換菲林，一路睇住個網頁教學一路拆 ...... 到要換菲林既部份，因為要將筒菲林卷晒過去另一條菲林軸，所以要係密封不透光既環境下進行，暗袋我無，黑房更加無 ...... 第一次係張被下面上菲林，係黑到睇唔到手指，中途幾次上唔到想放棄，同埋應該會漏晒光同指紋，幾經辛苦終於算完成，果種感覺真係無得彈，不過走出張被之後好頭暈又勁想嘔。

試過一次之後，就會有兩次、三、四次，不斷的嘗試會導致最終既成功。