以上三名人物，請於一秒鐘之內找出共通點。
戴眼鏡，只係一個戴眼鏡既人物，我唔明點解我呢生人入面都分別俾人地話過我似佢地。
「你好似小雲呀。」
「你好似哈利波特。」
「你今日好似林亞珍。」
點解戴眼鏡就要俾人話，我真係唔係好明，雖然我近視深，而今日我又著左格仔恤衫仲要戴埋眼鏡，但點睇我依家個髮型點都唔似林亞珍呱 ? 請大家話我之前攪清楚「好似」呢個詞語既定義先好黎話我，話我似都唔緊要，話我好似我條氣就唔順，乜真係咁似咩 !
我曾經好傻咁因為好多人話我個頭似戴假髮而走去剪左我把自幼稚園之後留得咁辛苦先掂到心口既頭髮，我個人好易受人影響，所以你地唔好講，因為我仲想繼續著格仔衫同埋戴眼鏡。
By the way，今日係屋企同震華玩，佢一野咬甩我副眼鏡之餘仲刮花左塊鏡片 ......
No comments:
Post a Comment