表姐結婚

2008 - 12 - 16 　(Friday)

等左咁耐，終於飲到表姐呢餐。

而呢餐亦係一個機會俾咁多位表兄弟姐妹聚一聚，因為真係唔係成日見到大家，個個都大個了，讀書既讀書，返工既返工，好似唧到時間出黎見面，大家要珍惜了。

原本早上可以觀禮，因為有私事去唔到，可恨。係因為我真係好想睇人係教堂行禮，我覺得係最浪漫的，雖然我唔信任何宗教，但係唔多唔少都受到電視電影既影響，下次邊個結婚去教堂行禮我一定黎 ! 會唔會係你呢 ? 定係我 ? ......

最感動的是見到對新人係門口行入黎，班兄弟姐妹係旁邊放炮，到切蛋糕，例牌講下感受咁，雖然講的離不開多謝父母老公朋友大家，又或者曾經係電視螢幕上出現過絛數次的對白，但係無論聽幾多次，都會好感動，感動，無人會嫌多。同埋經過今次之後，我真係信酒店個結婚蛋糕真係假架啦，連個切位都係假架，乜都假架，只有結婚那對新人是真的。

婚宴途中狂影相，令我諗返起細細個係阿婆屋企同大家玩既時候；是愉快的。其實主人翁並不在相中。