在南生圍遇見柴犬

今日再與同學到元朗郊遊，首站是南生圍。

今次我們醒了，由尾部搭橫水渡入去，再行入些少，進入蘆葦草地帶。行入去既途中我見到佢 ! 我今日最大的收獲是見到柴犬，即刻衝埋去，勁開心 ! 第一次係香港見到，真係開心過係南生圍度見到發哥 ! ( 雖然我無見過佢 )






個主人問我係咪因為睇左柴犬既電影而鐘意柴犬，我其實唔係架 ! ...... 我早排真係勁迷戀柴犬，雖然到現在也是，上網勁搵資料睇，我仲有追睇一個養柴犬的日本人的 Blog 架 ! 一直都想見其真身，更妄想遲下自己搬出來的時候養返隻柴犬陪我，不過根據本人調查所得，一隻純種柴犬大約要九千多港元 ...... 我會努力搵錢 ! 我仲見到一隻肥到好似水泡既八哥，真係想衝過去抱住佢，點都好，我要柴犬八哥一家親。

今次見到啦，仲摸埋佢，果種質感同家裡隻震華真係蚊脾同牛脾 ! 而且果度都係一個放狗既好地方，希望震華有生之年我可以帶佢去開下眼界，俾女溝下咁，就滿足架啦佢。咁當然，依家係屋企座陣既震華都好好，除左成日咬我之外都唔錯架佢，我起碼俾佢咬不下幾百次，人養狗我養狗，唔熟唔咬架佢 !

第二站下白泥，中午時太陽仲勁猛烈，一舊雲都無，但我地趕到去下白泥，個太陽就俾舊無情的雲霧遮住，叫唔到佢最後一面，睇唔到日落，我唔覺得去左下白泥，我會再去多次。